Sa pag-ikot ng mundo...

5:10 AM dianegalgo No comments

Sa totoo lang, ayokong magbasa ng mga bagay na sinulat ko noon. Kasi ang dami kong nakikitang mga mali. Minsan, sa huli ko na lang nare-realize na nakakatawa pala yung mga sinusulat ko. Minsan, naiisip ko kung bakit ko isinulat ang mga bagay na 'yun. O di kaya, kung ako ba talaga ang nagsulat ng mga 'yun.

Habang nagbabasa kasi ako ng mga lumang essays o kung ano man diyan na ako yung sumulat, pakiramdam ko ibang tao ang nagsulat nun. At dun ko na lang nare-realize na ang laki na pala ng pinagbago ko. Siguro hindi lang sa pagsusulat, siguro pati na rin sa pananamit at pananalita?

At malamang, years from now, kapag nabasa ko yung mga post ko dito, kasama na yung post na 'to, matatawa na lang ako, hindi lang sa mga sinulat ko, kundi pati na rin sa sarili ko. Maiisip ko ulit, "Ba't ganito yung mga post ko?" o "Ba't ganito yung mga sinulat ko?"

Tignan na lang natin.

PS: Malayo ba yung connection ng title sa laman ng post? Huwag niyo nang pansinin. Wala lang talaga akong maisip eh.

Posted in: personal,thoughts